Ұлттық оператор «ҚазТрансГаз» АҚ CNPC Қытай мұнай-газ корпорациясымен бірлесіп «Бейнеу-Бозой-Шымкент» магистральды газ құбыры («ББШ» МГҚ) трассасында «Шорнақ», «Қараөзек», «Ақсуат» және «Сексеуіл» төрт жаңа вахталық кентті және жөндеу-пайдалану учаскесін (бұдан әрі ВК және ЖПУ) пайдалануға енгізді. «Сексеуіл», «Ақсуат» және «Қараөзек» Қызылорда облысы аумағында болса, «Шорнақ» Түркістан облысында орналасқан.

 «Бейнеу–Бозой-Шымкент» магистральдық газ құбырының бірлескен жобасы аясында «Шорнақ», «Қараөзек», «Ақсуат» және «Сексеуіл» жөндеу-пайдалану учаскелерінің салтанатты тұсаукесері өтті. «Бейнеу-Бозой-Шымкент» газ құбыры – бұл Қазақстанның оңтүстігі мен солтүстігін отандық табиғи газбен қамтамасыз етуге, сондай-ақ елдің экспорттық мүмкіндіктерін кеңейтуге бағытталған стратегиялық жоба. ВК және ЖПУ ББШ МГҚ объектілерінің қауіпсіз, үздіксіз және сенімді жұмысы үшін, кез келген ақауларды жөндеуде жылдам әрекет етуді және жоюды қамтамасыз ету үшін маңызды.

Әрбір ЖК және ЖПУ аумағында барлығы 57 ғимарат пен құрылыс салынды. Әрбір вахталық кент 60-100 адамға есептелген. Автономды электрмен жабдықтау, сумен жабдықтау және жылумен жабдықтау объектілердің сенімді және үздіксіз жұмысын қамтамасыз етеді. ВП және ЖПУ-дегі су ауыз су ұңғымаларынан және қолданыстағы су құбырларынан келеді. Тамақпен қамтамасыз ету үшін 50 орындық асхана пайдалануға берілді. Қызметкерлердің жұмысы үшін жайлы әкімшілік ғимарат бар. Барлық тұрғын және жұмыс үй-жайлары тұрақты интернетпен және теледидармен қамтамасыз етілген. Барлық жерде кондиционер, тоңазытқыш, теледидар және басқа да тұрмыстық техникамен жабдықталған бір орынды бөлмелер бар. Персонал сондай-ақ кір жуу және киім өңдеу үшін кір жуу орнының қызметтерін пайдалана алады. Салауатты өмір салтын қалыптастырудың маңызды факторы ретінде дене шынықтыру мен спортты насихаттау мақсатында ыңғайлы тұруды қамтамасыз ету үшін баскетбол, бадминтон алаңдары, үстел теннисіне арналған жабдықтар және жаттығу залы қарастырылған. Автокөлік жөндеу шеберханасы, сондай-ақ отын құю пункті бар.

Анықтама: «Бейнеу-Бозой-Шымкент» газ құбыры тәуелсіз Қазақстанның тарихындағы ең ірі құбыр желісі болып табылады және мемлекеттің энергетикалық қауіпсіздігін арттыруда маңызды рөл атқаруға тиіс. «Бейнеу-Бозой-Шымкент» МГҚ құрылысының арқасында Қазақстан 3 маңызды міндеттерді шеше алды – оңтүстікке газды тұрақты жеткізуді қамтамасыз ету, елдің газ тасымалдау бірыңғай жүйесін құру және қазақстандық газды сыртқы нарықтарға экспорттауды арттыру.

Құбыр диаметрі 1067 мм газ құбырының бағыты Маңғыстау, Ақтөбе, Қызылорда және Оңтүстік Қазақстан облыстарының аумағы бойынша өтеді.

 

«ҚазТрансГаз» АҚ баспасөз қызметі Тел: +7(7172) 55 23 16