Соңғы деректер бойынша, "ҚазТрансГаз"АҚ компания топтарының 2 100 қызметкері Covid-19-ға қарсы вакцина алды. Ұлттық оператордың медициналық көрсеткіштермен вакцина алуға жол берілмейтін қызметкерлерден басқа, қалған қызметкерлер жақын арада вакцина алады деп күтілуде.

Коронавирустық инфекция пандемиясымен келген дүниежүзілік қауіпке отандық газ мамандары (газшылар) жедел ден қойғанын атап айту қажет.

Бірден қызметкерлердің өмірі мен денсаулығының қауіпсіздігін қамтамасыз ету үшін қатаң шаралар қабылданды.

Компания қызметкерлерінің негізгі бөлігі барлық аймақтарда қашықтықтан жұмыс істеу режиміне көшірілді. Бұл ретте, халыққа газ жеткізуді, көгілдір отынның транзиті мен экспортын қамтамасыз ететін пайдалану және авариялық бригадалар тәулік бойғы кезекшілікте болған.

Қиын жағдайға қарамастан, "ҚазТрансГаз" АҚ компания топтары жұмыс істеді, өндірістік жоспарлар мен стратегиялық міндеттер орындалды, газ ел үшін қажетті көлемде және үздіксіз жеткізілді.

"ҚазТрансГаз" АҚ кіретін "Самұрық-Қазына" компания тобындағы эпидемиологиялық жағдай ерекше бақылауда және басым мәнге ие. Қор ел тұрғындарын вакцинациялаумен қамтудың барынша жоғары деңгейін көздеп отыр.

Қазіргі уақытта, қазақстандықтар үшін коронавирусқа қарсы үш вакцина, оның ішінде ел Президентінің тапсырмасы бойынша "Самұрық-Қазына" қоры 1 млн.доза көлемінде сатып алған Hayat-Vax вакцинасы қолжетімді екені белгілі.

29 сәуірде өткен ҚР Үкіметі жанындағы Ведомстволық комиссия отырысында Самұрық - Қазына тобына вакцинаның 120 000 дозасын, Қазақстан Республикасының барлық азаматтарын вакцинациялауға 880 000 дозасын бөлу туралы шешім қабылданды.