BASPASО́Z RELIZI. Astana, 4 shilde 2018 j. Qazaqstan Respýblıkasy Úkimetiniń qaýlysymen «QazTransGaz» AQ kompanııalar tobyna kiretin «Intergaz Ortalyq Azııa» AQ Magıstraldyq gaz qubyry jónindegi ulttyq operator mártebesin aldy.

Qoldanystaǵy «Magıstraldyq qubyr týraly» QR Zańyna sáıkes, Úkimetke magıstraldyq gaz qubyrlary arqyly tasymaldanatyn munaı jáne gaz tárizdi ónim túrleri boıynsha magıstraldyq qubyrlardyń ulttyq operatorlaryn aıqyndaý quzireti bekitilgen. Munaı tasymaldaýdy ulttyq operatordyń quqyǵynda «QazTransOıl» AQ júzege asyrady. Bul rette Qazaqstan Respýblıkasynda gaz tasymaldaý jónindegi ulttyq operator aıqyndalmaǵan bolatyn. Úkimet qaýlysyna saı endi bul fýnkcııalardy «QazTransGaz» AQ enshiles kompanııasy «Intergaz Ortalyq Azııa» AQ júzege asyratyn bolady.

Jańa ulttyq operatordyń negizgi mindetine taýarlyq gazdy ishki jáne syrtqy naryqtarǵa magıstraldyq gaz qubyrlarymen tasymaldaý kezinde memleket pen basqa da qatysýshylardyń múddelerin qamtamasyz etý bolyp tabylady. Odan bólek, kompanııa magıstraldyq gaz qubyrlary júıeleriniń ınnovacııalyq damýyn jáne onyń álemdik еnergetıkalyq júıege ıntegracııalanýyn qamtamasyz ete otyryp, taýarlyq gaz aǵynyn ártaraptandyrý arqyly memlekettiń еnergetıkalyq áleýetin arttyrady.

Ulttyq operator еksporttyq baǵyttarǵa taýarlyq gazdy tasymaldaý jáne magıstraldyq gaz qubyrlaryna qosylǵan ishki tutynýshylarǵa taýarlyq gazdy tasymaldaý rejımindegi senimdi teńgerimdi qamtamasyz etýin jalǵastyrady. Bul ásirese, gaz tasymaly jelilerine eń úlken júkteme túsetin qysqy jylytý maýsymynda asa ózekti.

 

«QazTransGaz» AQ otandyq, sondaı aq sheteldik gaz naryǵynda memlekettiń «QazTransGaz" AQ («QazMunaıGaz» UK AQ quramyna kiredi) memlekttiń múddesin otandyq gaz naryǵynda, sondaı aq sheteldik gaz naryǵynda da bildiretin Qazaqstan Respýblıkasynyń negizgi gaz еnergetıkalyq jáne gaz tasymaldaý kompanııasy bolyp tabylady. Kompanııa magıstarldyq gaz qubyrlary men gaz taratý jelileri boıynsha taýarlyq gazdy tasymaldaý jónindegi ortalyqtandyrylǵan ınfraqurylymdy basqarady, halyqaralyq tarnzıtti qamtamasyz etedi, ishki jáne syrtqy naryqtarda gaz satýmen aınalysady, qubyrlar men gaz saqtaý qoımalaryn ázirleıdi, qarjylandyrady, salady jáne paıdalanady.

"QazTransGaz" AQ Baspasóz qyzmeti, baıl. tel: +7(7172) 55 23 16