Ulttyq operator «QazTransGaz» AQ Qazaqstannyń eń iri kompanıalarynyń fýndamentáldyq (ekologıalyq-energetıkalyq) tıimdiligi reıtınginde 2-shi oryn aldy.

Reıtıng Reseı men Qazaqstan ekonomıkasynyń naqty sektorynyń 5733 kásiporny men kompanıasyn baǵalaý arqyly jınaqtalǵan, bul rette bizdiń el alǵash ret Top-150 qataryna qosylyp otyr.

Qazaqstannyń ekologıalyq uıymdary qaýymdastyǵy (QEUQ) uıymdastyrǵan EýroAzES aıasyndaǵy bıznespen konstrýktıvti áriptestiktiń nátıjesinde obektıvti baǵalaýǵa qol jetkizildi. Eń iri kompanıalar tizimine tek bas holdıngter ǵana emes, sondaı-aq olardyń quramyna kiretin enshiles uıymdar da engizilgen. İrikteý tutynylǵan energıa, túsimder kólemderi men jumyspen qamtylǵan personal sany boıynsha júzege asyrylǵan.

Fýndamentáldyq tıimdilik reıtıngine arnalǵan irikteý zattaı (qarjylyq emes) birliktermen ólshengen kórsetkishterdiń negizinde esepteletin bes ólshem boıynsha júrgizilgen. Bul energıalyq-resýrstyq tıimdilik, tehnologıalyq nemese ekologıalyq tıimdilik, ekojúıelik tıimdilik jáne tıimdilik dınamıkasy – 2005 jyldan keıingi kezeńde tıimdiliktiń sanmen kórsetilgen ózgerisi. Taǵy da bir mańyzdy baǵalaý ólshemi – eseptiliktiń aıqyndyǵy, ol kompanıanyń esepterinde nemese ózge de qoljetimdi kózderde kórsetilgen kórsetkishter úlesi boıynsha aıqyndalady.Qazaqstandyq kompanıalar arasynda eń joǵary oryndy «SNPS-Aqtóbemunaıgaz» AQ, ekinshi oryndy  «QazTransGaz» AQ (58-shi) jáne úshinshi oryndy «Teńizshevroıl» JSHS (59) aldy.2018 jylǵy shilde aıynda Qazaqstannyń ekologıalyq uıymdary qaýymdastyǵy, Interfaks-ERA agenttigi men «Jasyl» tehnologıalar jáne ınvestısıalyq jobalar halyqaralyq ortalyǵy arasynda yntymaqtastyq týraly  memorandýmǵa qol qoıyldy. Jobanyń maqsaty – Qazaqstan bıznesiniń  ekologıalyq-energetıkalyq jaýapkershiligi men Qazaqstan óńirleriniń ekologıalyq tıimdiligi  reıtıngterin jáne olardy jarıa etý, ekologıalyq aqparatty ashýdyń ózektiligi, sondaı-aq bıznestiń ekologıaǵa áseri jóninde taldamalyq esepter daıyndaý jáne qorshaǵan ortanyń jaı-kúıin jaqsartý jónindegi tetikterdi izdestirý úshin aqparattyq naýqan uıymdastyrý.

"QazTransGaz" AQ - Qazaqstannyń gaz jáne gazben jabdyqtaý salasyndaǵy ulttyq operator.  «QazTransGaz" AQ kompanıalar tobynyń quramyna gaz óndirýshi, tasymaldaýshy jáne ótkizýshi jáne onyń ónimderin qaıta óńdeýshi kásiporyndar men uıymdar kiredi.

«QazTransGaz» AQ Baspasóz qyzmetiTel: +7(7172) 55 23 16