«Qorqyt Ata» KS jumysynyń bastalýymen «Beıneý-Bozoı-Shymkent» MGQ ótkizgishtik qýatyn jylyna 10 mlrd.m3-den 15 mlrd.m3-ge deıin arttyrý boıynsha iri ınvestısıalyq jobany iske asyrý aıaqtaldy. Bul rette 5 mlrd.m3 gaz eldiń ońtústik óńirleriniń kógildir otyn qajettiligin tolyǵymen jabady, al 10 mlrd.m3 Qytaıǵa eksporttalmaq. Stansa Qyzylorda oblysy Qazaly aýdany Aqsýat kentine jaqyn ornalasqan.  

Osy ınvestjobany iske asyrý aıasynda «Beıneý-Bozoı-Shymkent» gaz qubyrynyń boıyndaǵy Túrkistan jáne Qyzylorda oblystarynyń aýmaqtarynda qosymsha úsh kompressorlyq stansa jumys isteı bastady: «Aral» KS – gaz qubyrynyń 518-shi shaqyrymynda, «Qorqyt Ata» KS - 725-shi shaqyrymynda jáne «Túrkistan» KS - 1230-shy shaqyrymda, olardyń ekeýi ótken jyldyń sońynda paıdalanýǵa berilgen.

«Qorqyt Ata» KS «QazTransGaz» AQ qarajaty esebinen qarjylandyrylyp, rekordtyq qysqa merzim ishinde salynǵan, sońǵy eki aıda iske qosylǵan úshinshi joǵary tehnologıaly stansa bolyp tabylady.«Beıneý-Bozoı-Shymkent» gaz qubyry táýelsiz Qazaqstan tarıhyndaǵy eń iri qubyr jobasy bolyp tabylady jáne memleketimizdiń energetıkalyq qaýipsizdigin arttyrýda mańyzdy ról atqarady.

«Beıneý-Bozoı-Shymkent» MGQ qurylysynyń arqasynda Qazaqstan ońtústikke gazdy turaqty jetkizýdi qamtamasyz etý, eldiń biryńǵaı gaz tasymaldaý júıesin qurý jáne syrtqy naryqtarǵa qazaqstandyq gaz eksportyn arttyrý tárizdi mańyzdy úsh mindetti sheshe aldy.«QazTransGaz» AQ – Qazaqstannyń gaz jáne gazben jabdyqtaý salasyndaǵy ulttyq operatory.

«QazTransGaz» AQ kompanıalar tobynyń quramyna  gazdy jáne onyń óńdeý ónimderin óndiretin, tasymaldaıtyn jáne ótkizetin kásiporyndar men uıymdar kiredi.«QazTransGaz» AQ baspasóz qyzmeti.Tel: +7(7172) 55 23 16