Ótken jyldyń qarjy-sharýashylyq qyzmetiniń nátıjeleri, 2019 jyly «QazTransGaz» AQ kompanıalar tobynyń aldynda turǵan josparlary men mindetteri týraly eńbek ujymyna Bas dırektor Rýstam Sýleımanov aıtyp ótti.

Ótken jyly gazdy magıstráldyq tasymaldaý 111 567 mln. m3 qurady, onyń ishinde ishki tasymaldaý -18 151 mln. m3. Eksportqa  24 243 mln. m3 gaz tasymaldandy, halyqaralyq  tranzıt 69 173 mln. m3 qurady.  2018 jyly 22 916 mln. m3 gaz ótkizildi, 349 mln. m3 tabıǵı gaz jáne 19 myń tonna gaz kondensaty óndirildi. Ótken jyldyń qorytyndysy boıynsha «QazTransGaz» AQ-nyń taza paıdasy 155 975 mln. teńgeni qurady. 

Rýstam Sýleımanov sondaı-aq negizgi qarjylyq oqıǵalar týraly da aıtyp ótti, osylaısha ótken jyldyń qarasha aıynda «Standard & Poor’s» halyqaralyq agenttigi «QazTransGaz» AQ-nyń  jáne onyń 100%-dyq enshiles kompanıasy – «Intergaz Ortalyq Azıa» AQ-nyń sheteldik jáne ulttyq valútadaǵy emıtent defoltynyń (EDR) uzaq merzimdi reıtıngin «BB» deńgeıine deıin arttyrdy, reıtıngter jónindegi boljam – «turaqty».

2018 jyly «Azıalyq gaz qubyry» JSHS josparlanǵan 1,2 mlrd AQSH dollary mólsherindegi kredıtti óteýge qosa 850 mln. AQSH dollary mólsherinde merziminen buryn qaryzdy ótedi.

2018 jylǵy sáýirde «QazTransGaz» AQ «Beıneý-Bozoı-Shymkent» MG-nyń úsh kompressorlyq stansıasyn salý» jobasyn qarjylandyrý úshin 200 mln. AQSH doll. mólsherinde sındıkattalǵan qaryz tartty.«QazTransGaz» AQ Bas dırektory atap ótkendeı, 2018 jylǵy qańtarda «QazMunaıGaz» UK AQ men PetroChina arasynda qazaqstandyq gaz eksportyn Qytaıǵa jylyna 10 mlrd. tekshe m. deıin arttyrý týraly ýaǵdalastyqqa qol jetkizildi.

Rýstam Sýleımanov «QazTransGaz» AQ belsendi túrde engizip otyrǵan blokcheın–tehnologıalary týraly da atap ótti, olar gaz tasymaldaý ınfraqurylymyna monıtorıng júrgizý, servıstik qyzmet kórsetý jáne jóndeý jumystaryn  júrgizý úshin jáne gaz esepteýishterine baqylaý jasaý úshin de  paıdalanylady.

Magıstráldyq gaz tasymaldaý júıesin damytý jáne jańǵyrtý bóliginde esepti kezeńdegi negizgi mańyzdy oqıǵalar «Qazaqstan-Qytaı» MG (C jelisi) qýatyn arttyrý jónindegi jobany iske asyrýdyń aıaqtalǵandyǵy týraly atap ótilgen bolatyn. Gaz qubyrynyń úshinshi jelisin («C» jelisi) paıdalanýǵa engizýmen qatar «Qazaqstan-Qytaı» MG-nyń ónimdilik qýaty jylyna  55 mlrd m³ deıin jetkizildi.

Sonymen qatar, «Beıneý-Bozoı-Shymkent» MG-nyń úsh kompressorlyq stansıasy da salynyp bitti, soǵan baılanysty gaz qubyrynyń qýaty  jylyna 13 mlrd.m3 deıin jetkizildi. «Qazaqstan-Qytaı» MG-nyń («A» jáne «B» jelilerin) ónimdiligin jylyna 40 mlrd. m3 deıin arttyrý» jobasy boıynsha TEN-di ázirleý jáne «Beıneý-Bozoı-Shymkent» MG-nyń ótkizý qabiletin jylyna 15 mlrd. m3 deıin arttyrý» jobasy boıynsha TEÁ ázirleý  bastaldy.

Budan basqa, Qazaqstan Respýblıkasynyń soltústik jáne ortalyq óńirlerin gazdandyrý aıasynda 2018 jyly «Saryarqa» MG qurylysyna JSQ ázirlendi. Óńirlerdi gazdandyrý jónindegi jumystar jalǵasýda.

«QazTransGaz» AQ-nyń ınnovasıalyq-tehnologıalyq sektordaǵy jobalardy iske asyrý jumystary, «QazTransGaz» AQ-nyń «Qaraǵandy kómir basseıniniń kómir qabattarynan metan óndirý» pılottyq jobasyna qatysty jumystary da júrgizilip jatyr.

Bas dırektor, ótken jyly qaýipsizdik jáne eńbekti qorǵaý máselelerine erekshe nazar aýdarylǵanyn atap aıtty; bekitilgen bıznes-josparǵa, «QazTransGaz» AQ qyzmetkerlerine áleýmettik qoldaý kórsetý týraly qaǵıdalaryna», qoldanystaǵy Ujymdyq shartqa sáıkes Qoǵamnyń kompanıalar topbynyń qyzmetkerleri úshin áleýmettik turǵydan naqty jumystar júrgizildi.

Jalpy alǵanda «QazTransGaz» AQ-nyń 2018 jylǵy jumysy jaqsy baǵalandy. R.Sýleımanov esepti kezdesýdi aıaqtaı otyryp, 2019 jyly «QazTransGaz» AQ strategıalyq maqsattardy odan ári iske asyrýdy jalǵastyratynyn jáne negizgi mindetter men josparlardyń belgilengendigi týraly habarlady.