«QazTransGaz» AQ Ulttyq operatorynyń kompanıalar tobynda dástúrli, jyl saıynǵy «Úzdik maman-2019» jumysshylardyń kásibı sheberlik baıqaýy ótti.

«Intergaz Ortalyq Azıa» AQ-da baıqaý qyzmetkerlerdiń apatsyz, ónimdiligi joǵary jumysty jáne gaz tasymaldaý júıesiniń joǵary tehnıkalyq senimdiligin qamtamasyz etýge qyzyǵýshylyǵyn kúsheıtý, jumysshy mamandyǵynyń bedelin arttyrý maqsatynda, eki kezeńde 15 mamandyq boıynsha ótkiziledi.

Birinshi kezeń - Jambyl oblysyndaǵy «Aqyrtóbe» jerasty gaz saqtaý qoımasynyń bazasynda 4 mamandyq boıynsha ótedi: «Munaı jáne gaz óndirý jónindegi operator», «Burǵylaýshy», «Burǵylaýshynyń kómekshisi», «Uńǵymalardy zertteý jónindegi operator». Ekinshi kezeń – 11 mamandyq boıynsha aǵymdaǵy jyldyń maýsym aıynda Qyzylorda oblysyndaǵy jańa «Qaraózek»   kompressorlyq stansıasynda ótpek.

Baıqaýǵa qatysýshylar óndiristik máselelerdiń teorıa men praktıka boıynsha, sondaı-aq tehnıkalyq qaýipsizdik qaǵıdalaryn saqtaý salasyndaǵy bilimderimen baq synasady.

Baıqaýdyń birinshi kezeńiniń qorytyndysy boıynsha mynadaı atalymdardaǵy jeńimpazdar anyqtaldy:

«Munaı jáne gaz óndirý jónindegi operator»:

1-shi oryn - Qudret Shermetov MGQB "Shymkent"

2-shi oryn - Jeńis Jýsýpov MGQB "Aqtóbe"

3-shi oryn - Ernur Mandırbaev MGQB "Taraz"

«Burǵylaýshy»:

1-shi oryn- Qanat Nurtaev MGQB "Aqtóbe"

2-shi oryn - Qasymbek Sársembaev MGQB "Taraz"

3-shi oryn - Aıbek Nıazov MGQB "Aqtóbe"

«Burǵylaýshynyń kómekshisi»:

1-shi oryn - Malık Moldataev MGQB "Taraz"

2-shi oryn - Ádil Qojahmetov MGQB "Taraz"

3-shi oryn - Erbol Myrzabekov MGQB "Shymkent"

«Uńǵymalardy zertteý jónindegi operator»:

1-shi oryn - Tımýr Aıazbaev MGQB "Taraz"

2-shi oryn - Qanat Bısembaev MGQB "Aqtóbe"

3-shi oryn - Aıdar Haırbekov MGQB "Taraz"

Kompanıa qyzmetkerleriniń kásibı odaǵynyń tóraǵasy Shalqar Majenakov jeńimpazdardy quttyqtaı kele, «Úzdik maman» baıqaýy kásibı sheberlikti shyńdaýda, negizgi qyzmetkerlerdi anyqtaýda jáne jumys oryndarynda óndiristiń tıimdiligin arttyrýǵa baǵyttalǵan jańa bastamalardy endirýde mańyzdy element bolyp tabylatynyn atap ótti.

«Úzdik maman» baıqaýyn ótkizý jumysshy mamandyqtaryna oqytý jáne jumysqa ornalastyrý úshin jastardy tartýǵa yqpal etedi. Bul Qazaqstanda Jastar jyly dep jarıalanǵan bıylǵy jyly eki ese ózekti bolyp otyr, óıtkeni mundaı is-sharalar jumysshy mamandyqtarynyń bolashaǵy bar ekenin dáleldeıdi» – dedi Shalqar Majenakov.

«Úzdik maman» baıqaýynda júldeli orynǵa ıe bolǵandarǵa joǵary kásibı sheberligi úshin ústeme aqy belgilenetin bolady.