Gaz jáne gazben jabdyqtaý salasyndaǵy ulttyq operator «QazTransGaz» AQ 2019 jyldyń birinshi toqsanyndaǵy  kompanıalar toby qyzmetiniń qorytyndylaryn shyǵardy.

Derekterge sáıkes, esepti kezeń ishindegi shoǵyrlandyrylǵan kiris 343,2 mlrd. teńgeni qurady, bul ótken jylǵy osy kezeńmen salystyrǵanda 42%-ǵa artyq. Al «QazTransGaz» AQ kompanıalar tobynyń shoǵyrlandyrylǵan taza paıdasy 75,9 mlrd. teńgeni qurady, bul byltyrǵy jyldyń sáıkes kezeńindegi kórsetkishten 34,4 mlrd. teńgege nemese 83%-ǵa joǵary. 

Aıta keterligi, otandyq tutynýshylarǵa gazdy ózindik qunynan tómen baǵada satý sebepti ishki naryqtaǵy gaz operasıalarynan kelgen 48,9 mlrd teńge kólemindegi shyǵynǵa qaramaı osyndaı qomaqty kiriske qol jetkizilip otyr.

Ulttyq operator elimizdegi iri salyq tóleýshilerdiń biri bolyp tabylady. 2019 jyldyń birinshi toqsany úshin «QazTransGaz» AQ kompanıalar toby búdjetke 40,1 mlrd. teńgeden astam somaǵa salyqtar men búdjetke ózge de tólemderdi tólegen.

Esepti kezeńdegi gaz ótkizýdiń kólemi 7,2 mlrd. tekshe metrdi, onyń ishinde ishki naryqqa ótkizý  5,03 mlrd. tekshe metrdi, eksportqa 2,2mlrd. tekshe metrdi quraǵan."QazTransGaz" AQ – Qazaqstannyń gaz jáne gazben jabdyqtaý salasyndaǵy ulttyq operatory.

«QazTransGaz» AQ kompanıalar tobynyń quramyna gaz jáne ony óńdeý ónimderin óndiretin, tasymaldaıtyn jáne ótkizetin  kásiporyndar men uıymdar kiredi. 

«QazTransGaz» AQ baspasóz-qyzmeti

Tel: +7(7172)55 23 16