S&P Global Ratings halyqaralyq agenttigi Ulttyq operator «QazTransGaz» AQ men onyń enshiles kompanıasy «Intergaz Ortalyq Azıa» AQ-nyń «BB» deńgeıindegi reıtıngin rastady, reıtıń boıynsha boljam – «Qalypty».
 
Reıtıngtik agenttik derekteri boıynsha «Qalypty» degen boljam QTG-ǵa qatysty kompanıa odan ári de joǵary óndiristik jáne qarjylyq kórsetkishterge qol jetkize alady degendi bildiredi.
 
Reıtıngtik agenttik habarlaǵandaı, ótken jyly EBITDA kórsetkishi 63%-ǵa  251 mlrd. teńgege deıin ósti, sonyń nátıjesinde qaryzdarmen operasıalardan qarajat shamamen 40%-dy qurady.  «QazTransGaz» AQ qarjylyq kórsetkishteriniń ósýi gaz eksporty kóleminiń, onyń ishinde Qytaıǵa eksporttyń ósýiniń arqasynda jáne negizgi ınvestısıalyq jobalardy iske asyrýdy aıaqtaý esebinen boldy.
 
2018 jylǵy qazanda QTG men PetroChina International Co. Ltd. 5 jyl ishinde jylyna 10 mlrd. tekshe metrge gaz satyp alý-satý shartyna qol qoıdy.  2018 jyly QTG Qytaıǵa 5,5 mlrd. tekshe metr jáne Reseıge 2,4 mlrd. tekshe metr gaz satty, bul EBITDA ósýiniń negizgi faktory boldy.
 
S&P «QazTransGaz» qarjylyq kórsetkishteri, gazben volatıldi saýdadaǵy eksporttyń ósimtal bolýy úlesinen volatıldi bolady dep esepteıdi. Biraq, gaz saýdasynan qosymsha qarjy aǵyndary kredıttik qabilettiliktiń senimdi kórsetkishterin qoldaıdy dep kútiledi. Sonymen qatar, kompanıa ishki aqsha aǵyndary esebinen óz ınvestısıalyq baǵdarlamasyn qarjylandyra alady dep kútilýde. «QazTransGaz» AQ avtonomdy kredıttik qorjyny (SACP) «bb» deńgeıinde baǵalanady.
 
"QazTransGaz" AQ – Qazaqstannyń gaz jáne gazben jabdyqtaý salasyndaǵy ulttyq operatory. «QazTransGaz» AQ kompanıalar tobynyń quramyna gaz jáne ony óńdeý ónimderin óndiretin, tasymaldaıtyn jáne ótkizetin  kásiporyndar men uıymdar kiredi.
 
 «QazTransGaz» AQ baspasóz-qyzmeti Tel: +7(7172) 55 23 16