Ulttyq gaz operatory «QazTransGaz» AQ «Orta Azıa - Ortalyq» magıstráldyq gaz qubyry boıynsha Reseı Federasıasyna Qazaqstan Respýblıkasynyń aýmaǵy arqyly túrkimen taýarlyq gazyn tranzıtteýdi qaıta bastady.
 
«QazTransGaz» AQ qysqa merzim ishinde magıstráldyq gaz qubyrlary júıesi arqyly tranzıtti qaıta jańǵyrtýǵa qajet sharalardy júzege asyrdy. Zamanaýı tehnologıalardyń jáne «Orta Azıa - Ortalyq» magıstráldyq gaz qubyrynda júrgizilgen modernızasıa jumystarynyń arqasynda marshrýttyq baǵyttar ártaraptandyryldy jáne birneshe táýlik ishinde tasymaldaý rejımi qalypty jumysqa qosyldy.   
 
 
«Orta Azıa - Ortalyq» magıstráldyq gaz qubyry boıynsha Reseı Federasıasyna túrkimen gazyn tasymaldaý kólemi táýligine 15 mln. tekshe metrdi quraıdy. Qazaqstan aýmaǵy arqyly tranzıtti qaıta bastaǵan sátten beri 220 mln. tekshe metrden astam  gaz tasymaldandy.
 
Qazaqstannyń gaz tasymaldaý júıesi arqyly túrkimen gazynyń tranzıti 2016 jyldan bastap toqtatylǵan bolatyn. 
 
 
2019 jyldyń basynda Túrkimenstan men Reseı Federasıasynyń arasynda  gaz salasyndaǵy 2028 jylǵa deıingi yntymaqtastyq jónindegi qoldanystaǵy úkimetaralyq kelisim sheńberinde gazdy jetkizýdi qaıta qolǵa alý týraly ýaǵdalastyq jasaldy. Bul birden úsh memleketke gaz salasynda ózara tıimdi yntymaqtastyqty qalyptastyrýǵa múmkindik berdi.   
 
Sońǵy jyldary qazaqstandyq gaz salasy aýqymdy jańǵyrtýdan ótti jáne mamandardyń baǵalaýy boıynsha QazTransGaz kompanıasy Orta jáne Ortalyq Azıadaǵy gaz aǵyndarynyń mańyzdy jáne tehnologıalyq  asa qýatty operatoryna aınaldy.
 
«QazTransGaz» AQ baspasóz-qyzmeti
 
Tel: 8 (7172) 55 23 16