«QazTransGaz» AQ kompanıalary tobynda kóp jyldan beri 9 mamyr qarsańynda Uly Otan soǵysynyń qatysýshylaryn, ardagerlerdi Jeńis Kúnimen quttyqtaıtyn dástúr bar. Osy jyly Ulttyq gaz operatorynyń ujymdary  «QazTransGaz» AQ  ornalasqan barlyq óńirlerde júzden astam ardagerler men tyl eńbekkerlerin quttyqtady.
«Ardagerlerdi quttyqtaıyq» jyl saıynǵy aksıasynyń basty jáne jalǵyz maqsaty  – Uly Otan soǵysynyń batyrlaryn erlikteri úshin, Jeńis úshin, Otanymyzdaǵy beıbit ashyq aspan úshin shyn júrekten quttyqtaý bolyp tabylady.
«QazTransGaz» AQ bas keńsesi osy jyly Uly Otan soǵysynyń ardagerleri - Turysbek Sadyqovty, Ivan Botevti, tyl eńbekkerleri - Maqjan Jetpisovty, Raýshan Ábilqasymovany jáne  Baǵytjan Kýsnıevti quttyqtady.
Gazshylar ardagerlerdi kele jatqan merekelerimen quttyqtady, olarǵa aýyr soǵys jyldary kórsetken erlikteri, qaısarlyqtary úshin alǵys bildirdi, gúlder men syılyqtar jáne materıaldyq kómek berdi.
9 mamyrda «QazTransGaz Aımaq»  AQ jeti óndiristik fılıalynyń qyzmetkerleri  53 ardager men tyl eńbekkerlerin quttyqtady. Olardyń barlyǵyna syılyqtar sebetteri men gúl shoqtary tapsyryldy, materıaldyq kómek kórsetildi.
«Azıalyq Gaz qubyry» JShS ujymy ataqty "Katúsha" M-13-ke oq salýshy bolǵan, Býdapesht pen Venany bosatýǵa qatysqan "Erligi úshin" medalimen marapattalǵan ardager Jańbyr Kerimqulovty; Ekinshi dúnıejúzilik soǵystyń sońǵy, qorytyndy kezeńinde Alys Shyǵysta soǵysqan, soǵystarǵa qatysqany úshin 2-shi dárejeli Uly otan soǵysy Ordenimen, «Erligi úshin», «Germanıany jeńgeni úshin», «Japonıany jeńgeni úshin», «Áskerı jetistikteri úshin» medáldarymen marapattalǵan ardager  Ivana Roldýgındi quttyqtady.
«Beıneý-Shymkent Gaz qubyry» JShS  soǵys jyldaryn gospıtálda ótkizgen ardager - Arhıpova Anastasıany; eńbek maıdanyna qatysýshy, AZTM tylynda jumys atqarǵan Tynysbekova Alımany;  otbasylyq jupty, Máskeý mańyndaǵy Kýrskte soǵysqan Nurdáýletov Kalandy jáne eńbek maıdanynyń qatysýshysy Nurdáýletova Bıbisarany; ardager - jaıaý ásker qatarynda bolǵan, Varshava men Berlındi alǵany úshin nagradalary bar  Vıktor Rıabovty quttyqtady.
«Amangeldi Gaz» JShS ujymy Uly Jeńis kúnimen  Jambyl oblysy Talas aýdanynda turatyn ardagerler Jumahmet Dúısenbaıdy jáne Raıymqulov Únýsty quttyqtady. Olarǵa materıaldyq kómek pen merekelik jınaqtardy tapsyrdy.  
Jeńis kúni - maıdanda jáne tylda jaýyngerler kórsete bilgen otansúıgishtik, áskerı borysh, jappaı erlik tanytý jáne jankeshtilik  qasıetterdiń belgisi. Biz óz ómirin qıyp, urpaǵyna beıbit ómir syılaǵan adamdar aldynda máńgilik qaryzdar ekendigimizdi umytpaımyz.